Makina u fut në lulishten plot me njerëz në Lushnjë, ja kush është gruaja që humbi jetën - Bota Sot
Makina u fut në lulishten plot me njerëz në Lushnjë, ja kush është gruaja që humbi jetën

Shqipëria

Makina u fut në lulishten plot me njerëz në Lushnjë, ja kush është gruaja që humbi jetën

Më: 11 gusht 2019 Në ora: 12:53
Teuta Aliçkolli

Një aksident i rëndë i ka marrë jetën një 50-vjeçarje në qytetin e Lushnjes dhe ka lënë të plagosur dy persona, të tjerë. Përkatësisht burri dhe djali i viktimës.

Aksidenti ndodhi mbrëmjen e djeshme rreth orës 23:10, kur një mjet "Volkswagen" me targa “AA00FT” doli nga rruga dhe u fut në lulishten më të populluar të qytetit.

Policia bën me dije se është arrestuar drejtuesi i mjetit shtetasi me iniciale A.H, 22 vjeç, banues në Lushnje. Ai u konstatua se ishte nën ndikimin e alkoolit.

Viktima është Teuta Aliçkolli, e cila u plagos rëndë dhe u transportua në spital, por nuk mundi ti mbijetojë plagëve të marra. Ndërsa bashkëshorti i saj dhe djali ndodhen në spitalin rajonal të qytetit.

"Për pasojë ka ndërruar jetë shtetasja T.A, 51 vjeçe, dhe është dëmtuar bashkëshorti i saj, shtetasi F.A, 54 vjeç dhe djali i tyre Q.A, 24 vjeç, të cilët ndodheshin në lulishte. Shtetasi F.A dhe Q.A ndodhen në Spitalin e Lushnjes nën kujdesin e mjekëve",- njofton policia.

Materialet i kaluan Prokurorisë pranë Gjykatës së Shkallës së Parë Lushnje për veprime të mëtejshme proceduriale.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...