Pesticidi i ndaluar në tregun e Shqipërisë vjen nga Serbia dhe Greqia - Bota Sot
Pesticidi i ndaluar në tregun e Shqipërisë vjen nga Serbia dhe Greqia

Shqipëria

Pesticidi i ndaluar në tregun e Shqipërisë vjen nga Serbia dhe Greqia

Më: 11 gusht 2019 Në ora: 21:06
Ilustrim

Sunfire 240 SC, ky insekticid i rrezikshëm është i ndaluara të përdoret në Shqipëri, pasi nuk është pjesë e listës së mbrojtjes së bimëve të miratuara nga Ministria e Bujqësisë dhe Zhvillimit Rural, e cila duhet të jetë e njëjtë me atë të Bashkimit Evropian.

Pavarësisht kësaj, Sunfire përdoret gjerësisht nga fermerët për të luftuar tutën absolute ose krimbin e bardhë. 

Burime për Top Channel bëjnë të ditur se ky helm i rrezikshëm në Shqipëri hyn kontrabandë nga Serbia dhe Greqia. Si rregull për të eliminuar insektet e serave dhe fushave, fermeri duhet të përdorë luftën e integruar që është spërkatja e bimës me insekticide të lejuara. Nëse do të respektohet sasia e spërkatjes dhe shpërbërja e helmit, atëherë ushqimi do të jetë i shëndetshëm.

Përdorimi i Sunfires në bujqësi mund të shfarosë krimbin e bardhë nga bima, por ky helm i rrezikshëm nuk shpërbehet nga fruta-perimet dhe destinacioni final është organizmi ynë.

Duke përdorur ilaçe të pakontrolluara fermerët tanë arrijnë të kontaminojnë me helme të rrezikshme edhe tokën, për pasojë kultura bujqësore e radhës e kultivuar në një tokë të droguar nuk do të jetë cilësore.

Është Autoriteti Kombëtarë i Ushqimit ai që duhet të kujdeset se çfarë hamë ne, po ky institucion kontrollet e tij së pari duhet t’i fillojë nga raftet e farmacive bujqësore dhe veterinare, të cilat janë të mbushura me ilaçe vdekjeprurëse.

Tregtimi i helmeve të rrezikshme mund të sjellë të mira materiale për një grup të vogël individësh, por shkakton pasoja serioze në shëndetin tonë./tch

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...