Gjendet i vdekur në kanal një 23-vjeçar në Fier, dyshimet e para - Bota Sot
Gjendet i vdekur në kanal një 23-vjeçar në Fier, dyshimet e para

Shqipëria

Gjendet i vdekur në kanal një 23-vjeçar në Fier, dyshimet e para

Më: 12 gusht 2019 Në ora: 08:23
Foto ilustrim

Është gjetur mëngjesin e kësaj të hëne një trup i pajetë në një kanal në periferi të qytetit të Fierit.

Policia gjithashtu ka konstatuar edhe një makinë tip “Reno” të braktisur në këtë zonë, ndërsa nga dyshimet e para thuhet se viktima është nxjerrë nga mjeti dhe më pas është ekzekutuar.

Gjithashtu ka dyshime të forta se viktima, F.S, 23 vjeç, mund të ketë ndaluar në Sulaj të Fierit për të rregulluar një defekt pasi makina u gjet me kofano të hapur, transmeton “Balkanweb”.

Policia dhe grupi hetimor ndodhen në vendngjarje dhe kanë ngritur disa pista hetimi.

Njoftimi i policisë: 

Sot rreth orës 07:00, në vendin e quajtur “Kthesa e Hamilit” është gjetur pa shënja jete shtetasi F.S, 23 vjeç. Nga veprimet e para hetimore dyshohet se 23-vjeçari ka ndërruar jetë si pasojë e plagës së marë nga goditja me një mjet të mprehtë(thikë), dyshohet gjatë një konflikti. Grupi hetimor po punon për zbardhjen dhe dokumentimin e kësaj ngjarje. Policia ka shoqëruar disa persona dhe po vijon puna për identifikimin dhe kapjen e autorit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...