Akuzat për dënim në Itali, Taulant Balla: Sqarimet e Pjetrit nuk mjaftojnë - Bota Sot
Akuzat për dënim në Itali, Taulant Balla: Sqarimet e Pjetrit nuk mjaftojnë

Shqipëria

Akuzat për dënim në Itali, Taulant Balla: Sqarimet e Pjetrit nuk mjaftojnë

Më: 13 gusht 2019 Në ora: 13:17
Taulant Balla

Kreu i Grupit Parlamentar të Partisë Socialiste, Taulant Balla ka reaguar menjëherë pas deklaratës së dhënë nga Gazment Bardhi, Sekretar i Përgjithshëm i PD-së, i cili akuzoi kryeministrin Edi Rama se kishte dijeni dhe kishte fshehur dënimin për Valdrin Pjetrin në Itali, kryebashkiak në pritje i Shkodrës.

Balla hedh poshtë pretendimet e PD-së se PS-ja ka patur dijeni për akuzat ndaj Pjetrit, ndërkohë që për këtë të fundit thekson se nuk mjaftojnë sqarimet që ka dhënë deri më tani dhe kërkon ndërhyrjen e Prokurorisë për sqarimin e situatës.

“Për Partinë Socialiste, qoftë pretendimet e opozitës jashtëparlamentare, qoftë sqarimet e dhëna nga Valdrini, përshirë edhe publikimin e dokumentacionit përkatës nga Italia (të vënë më parë në dispozicon prej tij, kur ne kemi kryer si për çdo kandidaturë të gjitha verifikimet ligjore që mundëson statusi ligjor i organizatës sonë) nuk mjaftojnë”, thotë Balla.

Ai paralajmëron edhe një padi ndaj PD-së për shpifje: “Me këtë rast, hedhim poshtë me neveri akuzat lidhur me ndonjë marrje në dijeni, nga burime të ashtuquajtura “diplomatike” apo të çfarëdolloji tjetër, mbi pretendimin e Partisë Demokratike. Kjo është tërësisht e pavërtetë dhe do t’i referohet gjykatës, në formën e padisë njësoj si për shpifje të tjera.”

Duke përshëndetur “faktin se Prokuroria e Përgjithshme dhe Policia e Shtetit, janë vënë në lëvizje, duke kërkuar zyrtarisht informacionin përkatës pranë autoriteteve italiane, qysh në momentin e parë të shfaqjes së këtij pretendimi, lidhur me pastërtinë e figurës së Valdrin Pjetrit”, Basha thekson se “akuza e ngritur me një pretendim të bazuar në dokumenta joligjore nga ana e Partisë Demokratike, nuk mjafton as për t’u pranuar a priori, as për t’u rrëzuar a priori.”

“Përtej dëshirës sonë që e drejta të jetë në anën e tij, Partia Socialiste garanton opinionin publik dhe komunitetin e nderuar të Bashkisë së Shkodrës, se përtej çdo interesi partiak, politik apo individual, do të qëndrojë edhe në këtë rast në anën e ligjit dhe të interesit publik”, mbyll reagimin Balla.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...