Është ndarë nga jeta në moshën 55-vjeçare gazetari dhe publicisti i njohur Fatos Baxhaku.
Lajmin e hidhur të ndarjes nga jeta e dhanë miqtë e tij në rrjetet sociale.
Baxhaku ishte një prej gazetarëve më të njohur në vend.
Vitet e fundit ai ka bashkëpunuar me Digitalb në një mori dokumentarësh. Baxhaku pas një karriere të gjatë në gazetari iu bashkua projektit të Topmedias dhe për disa vite themeloi dhe drejtoi gazetën Shqip.
Baxhaku ka lindur në Tiranë më 9 janar në 1964. Shkollimin e parë e kreu në shkollat asokohe 8-vjeçare, Emin Duraku dhe ” 20 Vjetori”, (sot Dora D’Istria). Shkollimin e mesëm e kreu në gjimnazin “Ismail Qemali”.
Përgjatë viteve 1982-1986 studioi në Universitetin e Tiranës në fakultetin e Histori-Filologjisë ku u diplomua në histori. Që nga 1986 e deri në 1992 punoi në Institutin e Historisë së Akademisë së Shkencave. Nga 1993 e deri në 1998 ishte bashkëthemelues, kryeredaktor dhe gazetar i “Gazetës Shqiptare”.
Në periudhën 1998-1999 ishte kryeredaktor i parë i lajmeve në televizionin “Klan”. Në 1999-2000 ishte kryeredaktor i revistës së përjavshme “XXL”.
Nga 2001 deri në 2005 ishte kryeredaktor dhe gazetar në televizionin “Vizion Plus”. Në 2006-20015 ishte kryeredaktor dhe gazetar në të përditshmen “Shqip”.
Fatos Baxhaku është autor ose bashkëautor i serialeve me reportazhe “Tunel” (Vizion Plus), “Rrugëtim” (Top Channel), “Shtëpa e Vjetër” (Digitalb).si edhe i shumë dokumentareve televizive.
Ka qenë disa herë pedagog i jashtëm i gazetarisë në universitetet e Elbasanit dhe Tiranës.
Ka qene anëtar i Komitetit Shqiptar të Helsinkit.
Bashkëpunëtor në shumë projekte trajnimi me Soros, USAID, Instituti Shqiptar i Medias, OSBE..
Botime
Die Stammmesgesellschaften Nordalbaniens – Wien 1996. (Bashkëautor Karl Kaser).Gur – 2008 Në Mirditë & rreth e rrotull – 2009
Roje – 2010
Çadra e kuqe : histori fatesh austro-shqiptare në shekujt XIX -XXI – 2013 Gra të përgjithshme – 2014 (me bashkëautore Klodiana Kapo).
