Rama: Barbari që goditi miqtë spanjollë na turpëroi të gjithëve - Bota Sot
Rama: Barbari që goditi miqtë spanjollë na turpëroi të gjithëve

Shqipëria

Rama: Barbari që goditi miqtë spanjollë na turpëroi të gjithëve

Më: 16 gusht 2019 Në ora: 22:27
Edi Rama

Një ditë pas sulmit ndaj turistëve spanjollë nga pronari i një lokali në Borsh reagoi edhe kryeministri shqiptar, Edi Rama.

Shefi i qeverisë e quajti barbar pronarin e lokalit, ndërsa uroi që ai të mos i shpëtojë drejtësisë.

Përmes një postimi në profilin e tij në Facebook, Rama shkruan se i ka kërkuar falje turistëve dhe se ata do të rikthehen përsëri në Shqipëri.

Reagimi i Edi Ramës:

Barbari që goditi miqtë spanjollë, shkeli mbi kodin e shenjtë të mikpritjes shqiptare, duke na turpëruar te gjithëve.

Mikpritja është fuqia më e pakonkurueshme e turizmit shqiptar, e cila mbreson të gjithë të huajve që na vizitojnë dhe përtej defekteve, mungesave e sjelljeve jo gjithnjë të dëshiruara në shërbimet tona turistike, që me kohën e me eksperiencën do të fashiten, agresioni i mbrëmshëm është një njollë turpi për të mos u harruar kurrë.

Miqve spanjollë i kemi kërkuar qysh në momentin e parë, ndjesat tona dhe ata do të rikthehen përsëri. Ndërsa barbari uroj të mos i shpëtojë dot duarve të drejtësisë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...