Lamtumira për Fatos Baxhakun, "Po shkon mes ëngjëjve për të çuar Shqipërinë tjetër atje" - Bota Sot
Lamtumira për Fatos Baxhakun, "Po shkon mes ëngjëjve për të çuar Shqipërinë tjetër atje"

Shqipëria

Lamtumira për Fatos Baxhakun, "Po shkon mes ëngjëjve për të çuar Shqipërinë tjetër atje"

Më: 17 gusht 2019 Në ora: 13:55
Fatos Baxhaku

Rradhë njerëz mërzisin kaq shumë njerëz me largimin e tyre nga jeta e tillë është dhe humbja e publicistit të njohur Fatos Baxhaku.

Miq, gazetarë, të njohur dhe ata që e njihnin përmes veprës së tij, i japin sot lamtumirën.

Për mikrofonin e RTV Ora tre nga miqtë e tij thonë se me ikjen e Baxhakut ikën një pjesë e Shqipërisë.   

Rezar Xhaxhiu: Me ikjen e Baxhakut iku një pjesë e gazetarisë shqiptare. Ikën një pjesë e reportazhit e shkrimeve dhe një pjesë e Shqipërisë tjetër. Asaj Shqipërie që Baxhaku e solli në reportazhet dhe dokumentaret, shkrimet dhe portretet e tij. Kjo është ikja e madhe. Ikja e një njeriu që shkon mes ëngjëjve të tij për të çuar Shqipërinë tjetër atje"

Astrit Hatollari: La shumë punë pa përfunduar. Shqipërisë po i ikën një qytetar i mirë që vetëm i ka dhënë këtij vendi.

Fatos Tarifa:  Humbje e madhe jo vetëm për moshën e re që kishte Fatosi. Rradhë njerëz mërzisin kaq shumë njerëz me largimin e tyre nga jeta. Unë e kam pasur student, shok, fqinj, mik të ngushtë. Që kur mora vesh lajmin e humbjes, atje ku rrinim bashkë ishte një gropë që nuk mbushtet dot nga askush tjetër. Do të mbetet gjithmonë i pranishëm.

Baxhaku humbi jetën të premten, 16 gusht, në moshën 55 vjeçare nga një sëmundje e rëndë dhe e gjatë.

Gjatë angazhimit afro 30 vjeçar në botime dhe publicistikë,  Baxhaku ishte edhe pedagog dhe mentor i disa breza studentësh të gazetarisë së shkruar dhe televizive. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...