Kryebashkiakia e Shkodrës Voltana Ademi ka vendosur të rezistojë duke mos e lënë mandatin. Një ditë pas konstituimit të këshillit të ri ajo ka inspektuar punimet në qendrën multifunksionale, duke deklaruar dhe vazhdimin e punimeve në investime të tjera.
Konstituimi i Këshillit Bashkiak të Shkodrës duket se nuk i ka krijuar problem Voltana Ademit për të vijuar me inspektimin e punimeve nga projektet e nisura.
Një ditë pas përplasjeve mes mbështetësve të opozitës policisë dhe socialistëve, kryebashkiakja ka shpërndarë një material ku është shfaqur në Qendrën Multifunksionale pranë ish- kopshtit “Guerrile”, ku investimi po realizohet me mbështetjen e UNDP.
Voltana Ademi: Me një kopsht të ri të rikonstruktuar me dyfishin e hapësirës ne do kemi mundësi që të shërbejmë më shumë. Nga ana tjetër do të hapim një çerdhe të re, një shërbim që ka munguar në lagjen 1. Një çerdhe e cila ka hapësirën e mjaftueshme për ti shërbyer të gjithë lagjes. Me një qendër të re shëndetësore që i bashkëngjitet shërbimit multifunksional, një shërbim i ri.
Në deklaratën për mediat të bashkisë së Shkodrës thuhet se investimi prek vlerën e 13 milion lekeve.
Voltana Ademi: Dua të falenderoj UNDP, e cila ka financuar me 13 mln lekë, projektin që bashkia Shkodër aplikoi dhe u shpall fituese.
Ndërsa Ademi ka inauguruar punimet, prej përfaqësuesve të PS pritet që të niset kërkesa për pavlefshmërinë e mandatit të Valdrin Pjetrit.
