Rikthehet i nxehti afrikan në Shqipëri, më 22 dhe 23 gusht temperatura deri në 40 gradë - Bota Sot
Rikthehet i nxehti afrikan në Shqipëri, më 22 dhe 23 gusht temperatura deri në 40 gradë

Shqipëria

Rikthehet i nxehti afrikan në Shqipëri, më 22 dhe 23 gusht temperatura deri në 40 gradë

Më: 20 gusht 2019 Në ora: 17:54
Foto ilustrim

I nxehti afrikan pritet të godasë për herë të katërt Shqipërinë.

Vala e të nxehtit do të regjistrohet të enjten dhe të premten e kësaj jave me temperatura që parashikohet të shkojnë në 40 gradë Celsius.

Sinoptikanët tregojnë për A2 se Tirana, Elbasani, Shkodra, Fushë-Kruja, Berati dhe Fieri janë qytete që do të preken më shumë nga i nxehti afrikan. Ndërsa në zonat bregdetare termometri nuk do t’i kalojë 36 gradët. Por ashtu si tre goditjet e tjera, edhe kjo valë e nxehte do të jetë afatshkurtër.

Ditët e fundit të gushtit do të rikthehen temperaturat tipike të stinës së verës. Por vapa nuk do të ikë me gushtin. Sinoptikanët thonë se edhe shtatori do të vijojë të jetë i nxehtë dhe me ditë të favorshme për plazh. Për kontinentin europian, vera e këtij viti është jo vetëm e nxehtë, por edhe e thatë, madje sinoptikanët konfirmojnë se viti 2019 plotëson 5-vjeçarin më të nxehtë në historinë 150-vjeçare të matjeve globale.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...