Vjen në një moment delikat në Shqipëri, kjo është CV-ja e ambasadorit të ri gjerman - Bota Sot
Vjen në një moment delikat në Shqipëri, kjo është CV-ja e ambasadorit të ri gjerman

Shqipëria

Vjen në një moment delikat në Shqipëri, kjo është CV-ja e ambasadorit të ri gjerman

Më: 20 gusht 2019 Në ora: 18:01
Peter Zingraf

Gjermani Peter Zingraf merr detyrën e ambasadorit në Tiranë në një moment delikat për vendin. Në tetor do të merret vendimi për hapjen ose jo të negociatave të Shqipërisë me Bashkimin Evropian, dhe Gjermania luan një rol thelbësor në këtë proces. Nga ana tjetër, situata e brendshme politike është totalisht e paqartë, sidomos sa i përket zgjedhjeve lokale.

Reforma në drejtësi është gjithashtu në një moment kyç, me Gjykatën Kushtetuese dhe SPAK-un që pritet të ngrihen në muajt në vijim. Gjermania, së bashku me SHBA-në, kanë qenë shtetet që kanë shtyrë përpara dhe kanë kërkuar më së shumti realizimin e reformës.

Ambasadori i ri gjerman ka studiuar romanistikë (histori letërsie frënge dhe italiane) në Aachen, Poitiers-Francë dhe Firence-Itali. Ai ka punuar si  bashkëpunëtor shkencor në universitetet e Aachen dhe Freiburg im Breisgau.

Peter Zingraf është i martuar dhe ka dy vajza.

Sa i përket karrierës së tij diplomatike, ajo ka nisur në vitin 1993 kur është bërë pjesë e Shërbimit të Jashtëm.

–1994 Nëpunës i deleguar pranë Ministrisë së Jashtme Italiane, Romë

– 1995 Ministria e Jashtme Federale, Bonn, Departamenti Politik

– 1996 Ambasada e Varshavës, Poloni

– 1999 Ministria e Jashtme  Federale, Berlin, Departamenti i Kulturës

– 2002 Ambasada e Daressalam-it, Tanzani

– 2005 Ministria e Jashtme Federale, Departamenti Qendror

– 2010 Ambasada e Dublinit, Irlandë

– 2013 Zyra e Presidentit Federal, Departamenti i Politikës së Jashtme

– 2016 Ministria e Jashtme Federale, Departamenti Qendror

– Gusht 2019 Ambasada Gjermane në Tiranë, Shqipëri.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...