Kreu i opozitës, Lulzim Basha ka akuzuar kryeministrin e Shqipërisë Edi Rama se “kandidon kriminelë dhe e përdor krimin për të vjedhur zgjedhjet, sepse bashkë me krimin pasurohet duke vjedhur shqiptarët dhe pastruar paratë e krimit.”
“Hajduti psikik përbën rrezik për jetën dhe sigurinë e çdo familje. Ai dhe krimi i organizuar janë të pandashëm. Që të shpëtojmë Shqipërinë nga kriminelët me pushtet, duhet të largojmë Edi Ramën”, thotë Basha.
Basha thekson se një vit më parë Partia Demokratike dhe opozita e bashkuar propozuan ligjin për vetting-un e politikanëve, por, vijon ai, Edi Rama dhe organizata e Rilindjes votoi kundër këtij ligji.
Në video, kryedemokrati rendit edhe pesë arsyet pse Rama, sipas tij, kundërshton vetting-un.