Mbi 6 mijë iranianë jetojnë në Shqipëri - Bota Sot
Mbi 6 mijë iranianë jetojnë në Shqipëri

Shqipëria

Mbi 6 mijë iranianë jetojnë në Shqipëri

Më: 22 gusht 2019 Në ora: 16:56
Foto ilustrim

Ndërsa prirja e shqiptarëve për t’u larguar nga vendi i tyre po vazhdon me ritme të larta, edhe numri i të huajve që vijnë për të jetuar në Shqipëri po rritet.

Vitin e kaluar, aplikimet për leje qëndrimi ishin më shumë se 9 mijë. Ndërkohë, numri total i të huajve që qëndrojnë në Shqipëri me leje qëndrimi ka arritur në mbi 14 mijë, niveli më i lartë i regjistruar ndonjëherë në statistikat zyrtare.

Për të tretin vit radhazi, numrin e aplikimeve për leje qëndrimi e kryesojnë shtetasit iranianë. Në dy vitet e fundit, kanë marrë leje qëndrimi në Shqipëri mbi 6 mijë shtetas nga ky vend.

Sigurisht që nuk bëhet fjalë për një valë emigracioni, por për një komunitet disidentësh të regjimit iranian, të cilët Shqipëria ka pranuar t’i strehojë përmes një marrëveshjeje me SHBA.

Pas iranianëve, numri më i madh i shtetasve të huaj që aplikuan për leje qëndrimi vitin e kaluar ishin italianë, shqiptarë dhe turq.

Afërsisht gjysma e të huajve që aplikojnë për leje qëndrimi në Shqipëri vijnë për arsye punësimi, ndërsa pjesa tjetër për bashkim familjar, studime apo arsye humanitare. Të huajt vitin e kaluar përbënin afërsisht 0.5% të popullsisë rezidente në Shqipëri.

Ndërkohë, për vitin e kaluar, Shqipëria u përball me një rritje të fortë të numrit të azilkërkuesve. Afro 4400 shtetas të huaj kërkuan azil në Shqipëri, numër ky 14 herë më i lartë se një vit më parë. Azilkërkuesit në Shqipëri vijnë kryesisht nga Siria, Pakistani dhe Iraku.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...