Shëngjin, zjarri dyshohet të jetë vënë qëllimisht, në pranga 2 persona

Shqipëria

Shëngjin, zjarri dyshohet të jetë vënë qëllimisht, në pranga 2 persona

Më: 24 gusht 2019 Në ora: 10:22
Shëngjin

Në ditën e sotme bëhet me dije se reshjet e shiut të një nate më parë kanë bërë që zjarri të vihet nën kontroll në Shëngjin, por akoma nuk është shuar plotësisht. Zjarri në Shëngjin dyshohet të jetë vënë qëllimisht.

Burime të Top Channel nga policia bëjnë me dije se janë arrestuar dy persona.

Forcat zjarrëfikëse por dhe forcat e ushtrisë po punojnë për shuarjen e vatrave të zjarrit që janë akoma aktive në një terren mjaft të vështirë dhe të rrezikshëm.

Ajo që duhet theksuar është se kanë shpërthyer deri më tani 11 granata duke rrezikuar kështu edhe punonjësit që kanë qenë duke punuar për shuarjen e flakëve.

Retë e tymit kanë mbuluar pjesën më të madhe të Shëngjinit gjë e cila ka bërë që pushuesit të nisin dhe të largohen.

commentFirst article
Sot mund të lexoni Shfletoni kopertinat