Një jaht luksoz i braktisur është gjetur në rrethana të paqarta nga policia kufitare në thellësi të detit.
Jahti pasi u gjet, është ankoruar në portin e Shëngjinit.
Në jaht janë gjetur dokumente dhe pasaporta e një shtetasi turk, i moshës 53 vjeç.
Jahti me flamur turk doli nga porti i Tivarit ditën e djeshme, por ende nuk dihen rrethanat dhe shkaqet e braktisjes së tij.
Paraprakisht dyshohet se jahti është vjedhur dhe më pas është braktisur në det.
Kapiteneria e Përgjithshme Shqiptare ka kontaktuar homologët turq për verifikimet e mëtejshme.
Në Turqi është denoncuar një jaht i vjedhur.
