Forcat speciale gjermane aksion kundër mafies shqiptare, nëntë të arrestuar

Shqipëria

Forcat speciale gjermane aksion kundër mafies shqiptare, nëntë të arrestuar

Më: 10 shtator 2019 Në ora: 20:50
Forcat speciale gjermane

Në orët e para të mëngjesit të së martës, forcat speciale të policisë gjermane zhvilluan kontrolle në disa shtëpi në Oberhausen (NRW).

Policia i kapi të pa përgatitur personat që ishin brenda banesave. Gazeta gjermane Bild shkruan se qëllimi i policisë elitare gjermane dhe të armatosura deri në “dhëmbë”, ishte mafia shqiptare e drogës.

Gjashtë urdhër-arreste për anëtarët e krimit të organizuar duhet të zbatoheshin nga policia, ndërsa hetuesit donin të siguronin prova të shumta gjatë aksionit policor.

Paraprakisht thuhet se nëntë të dyshuar janë arrestuar, ndërsa ende nuk dihen emrat e tyre. Ata janë dërguar në qelitë e paraburgimit.

Në dispozicion të policisë ishin edhe qentë antidrogë, të cilët ishin të suksesshëm gjatë aksionit, pasi u kapën mbi tre kilogramë lëndë narkotike kanabis. Media të tjera gjermane shkruajnë se mes të arrestuarve përveç shqiptarë, ka edhe tunizianë, marokenë dhe gjermanë. Midis 9 të arrestuarve, dy janë gra midis moshës 25 dhe 33 vjeç.

Image
commentFirst article
Sot mund të lexoni Shfletoni kopertinat