Sot u bënë 21- vite nga vrasja e Azem Hajdarit.
Kryetari i PD, Lulzim Basha gjatë një homazhi në memorialin Hajdarit tha se ka ardhur koha që të gjithë shqiptarët e bashkuar të mbyllin tranzicionin dhe të hapin rrugën e vlerave të demokracisë
“Amaneti dhe sakrifica janë përjetë shembull frymëzimi, për të çuar deri në fund idealin e një Shqipërie Evropiane, demokratike, me një politikë të ndarë nga krimi, ku kriminelet janë para drejtësisë dhe prapa hekurave.
Sot në këtë 21 vjetor është akoma plagë e hapur, krimi vazhdon të ketë uniformën e posteve shtetërore. Shqiptaret kërkojnë shpëtim rrugëve të botës.
Socialistët e ndershëm kurrë nuk e kanë pranuar politikën e lidhur me krimin, për tu bërë bashkë dhe për të hapur bashkë rrugën e Shqipërisë si gjithë Evropa.
Ka ardhur koha që të gjithë shqiptarët e bashkuar të mbyllin tranzicionin dhe të hapin rrugën e vlerave të demokracisë dhe të mundësive të barabarta të çdo shqiptari. Ky është nderimi më i madh për Azem Hajdarin”.