Nis riparimi i shtëpive të prekura nga tërmeti, Isai: Deri në Tetor, asnjë në çadër! - Bota Sot
Nis riparimi i shtëpive të prekura nga tërmeti, Isai: Deri në Tetor, asnjë në çadër!

Shqipëria

Nis riparimi i shtëpive të prekura nga tërmeti, Isai: Deri në Tetor, asnjë në çadër!

Më: 14 shtator 2019 Në ora: 19:03
Bashkia e Kolonjës

Ish-aktori i humorit, Erion Isai, la karrierën artistike për të nisur karrierën politike, teksa mori pak kohë më parë drejtimin e Bashkisë së Kolonjës.

Por në detyrën e re, kryebashkiaku Isai, po përballet me një fatkeqësi natyrore që preku zonën e tij para se të merrte mandatin.

Shumë banorë të zonës janë prekur nga tërmeti i qershorit, dhe për shkak të dëmtimit të banesave ata po jetojnë prej muajsh nën çadra. Ndërkohë Erion Isai, u zotua se para dimrit, madje deri në Tetor, banesat e tyre do të riparohen dhe ata do të rikthehen në shtëpi.

Kryebashkiaku socialist dha edhe pamja nga puna që po bëhen në rikonstruksionin e banesave.

“Në Qafëzes prej disa ditësh ka nisur ndërhyrja në shtëpitë e prekura nga tërmeti. 3 shtëpi të reja, 20 rikonstruksione”, tha Isai.

“Dhe 246 banesa për trajtim dëmshpërblim si dhe disa familje të cilat fitojnë statusin e banesave sociale (qera sociale dhe banesa sociale). Qeveria dhe bashkia në funksion të plotë të zotimit ndaj banorëve”, ishte mesazhi që dha kryebashkiaku i ri i Kolonjës, duke e shoqëruar atë edhe më pamja nga puna që po bëhet, siç tregohet edhe në Fotogaleri.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...