INSTAT nxjerr zbuluar Ramën: Lindshmëria ra, pavarësisht bonusit të bebeve - Bota Sot
INSTAT nxjerr zbuluar Ramën: Lindshmëria ra, pavarësisht bonusit të bebeve

Shqipëria

INSTAT nxjerr zbuluar Ramën: Lindshmëria ra, pavarësisht bonusit të bebeve

Më: 18 shtator 2019 Në ora: 19:28
Ilustrim

Prej vitesh Shqipëria po përballet me fenomenin e shpopullimit, ku ndër shkaqet kryesore renditen ulja e numrit të lindjeve dhe largimet masive në emigracion.

Nisur nga kjo, gjatë vitit 2018 kryeministri Rama, premtoi se të gjithë fëmijët që do të lindin nga janari i vitit 2019, do të përfitonin bursën e tyre, siç e quajti ai bonusin e bebeve .

Pa kaluar 9 muaj nga 1 janari, kohë që i duhet një fëmije të vij në jetë, Kryeministri bëri një tjetër deklaratë:

“Falë bonusit të bebes, ose nisur nga bonusi i bebeve kemi një rritje të numrit të lindjeve për 6 mujorin e parë. 15.135 fëmijë përfitues ndërkohë që jam i bindur që ky efekt do të vijë duke u përmirësuar si rezultat i kësaj politike”.

Nisur nga deklarata e kryeministrit,  gazetarët e "BOOM"  kërkuan  të dhënat zyrtare nga Instituti i Statistikave nga ku rezulton se numri i lindjeve në 6 mujorin e parë 2019 nuk është rritur, por ka rënë krahasuar me një vit më parë.      

Sipas  botimit të INSTAT për treguesit demografikë, numri i lindjeve për tre mujorin e parë 2019 rezulton 5986 , duke shënuar një rënie prej 10.1% krahasuar me tremujorin e parë 2018.

Numri i lindjeve për tremujorin e dytë 2019 rezulton 6362, duke shënuar një rënie prej 5.7 % duke e krahasur me tremujorin e dytë 2018.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...