Dënimin me 5 vite burg, që konvertohet në 3 vite shërbim prove për ish-ministrin e Brendshëm, Saimir Tahiri e komentoi në një lidhje telefonike për Ora News edhe analisti Ilir Demalia.
Demalia u shpreh se Tahiri pas apelimit të vendimit, do fitojë pafajësinë dhe do marrë edhe dëmshpërblim, njësoj si Fullani disa vite më parë.
Ilir Demalia: Në Apel Tahiri do të fitojë pafajësinë dhe do të marrë edhe shpërblim, njësoj edhe si Fullani para disa vitesh. Nga ky vendim doli i kënaqur Tahiri, doli i kënaqur edhe Rama. Loja vijon në favor të Tahirit me Gjykatën e Apelit. Me këto që kemi parë Tahiri nuk ka prova për t'u dënuar. Prokuroria nuk ka prova për t'u apeluar. Prokuroria është mirë të apelojë veten e vet njëherë, sepse i gjithë defekti vjen nga ajo.
