Zbulohet dëshmia e shqiptares, Elva Kurti, ish-bashkëshorti i të cilës u gjet në liqenin e Iseo-s pas 15 vitesh.
Në dëshminë e saj për hetuesit italiane, ajo u shpreh se ish-bashkëshorti i saj Rosario Tilotta, mund të ishte vetëvrarë.
“Unë besoj se nuk ishte një vrasje. Ndoshta një aksident ose një gjest ekstrem i burrit tim, nuk e di. Por sigurisht nuk ka asgjë misterioze pas saj,“-tha Elva.
44-vjeçarja tha plot siguri tek hetuesit italiane se nuk kishte asgjë për të fshehur dhe se kërkonte të kthehej në Mal të Zi aty ku edhe jeton me të birin e mitur.
“Nuk kam asgjë për të fshehur. Nga kjo çështje nuk kam pasur asnjë përfitim, lëre më pastaj një përfitim ekonomik,”-shtoi ajo.
Pas dëshmisë së saj, shqiptarja u la të ikte por me kushtin që të ishte në dispozicion të hetuesve ndërkohë kërkimet po vazhdojnë.
Ende nuk është e sigurt që trupi i gjetur në më shumë se 80 metra thellësi është ai i Tilottas pasi testet biologjike ishin më të ndërlikuara sesa pritej.
Kjo për shkak të ashtuquajturës mineralizim të indeve, të cilat qënë në kontakt me ujin për shumë kohë.
