Shkon në 50 numri i nxënësve të shkollës "Adem Haxhia" në Postribë të Shkodrës të cilët janë paraqitur në urgjencën e spitalit me simptomat e të vjellave, marrje mendsh.
Shefja e Infektivit në Shkodër, Rezarta Bazhdari 8 prej tyre ende mbahen të shtruar në spital, por thotë se nuk ka vend për panik.
"Gjate sherbimit 24 ore janë realizuar 34 terapi ditore. Kanë marrë shërbimin e shpejtë"
Nga Spitali fëmijët thonë se shqetësimet u nisën pasi konsumuan ushqime të shpejta të blera në një fast food pranë Shkollës.
"Sa shkova në shkollë bleva një sanduiç. Nuk piva ujë në shkollë e kisha marrë me vete"
Nje prind i identifikuar Marjan Dushaj, thotë se ja ka blerë vetë ushqimin vajzës që përfundoi në spital dhe madje që në fillim kishte ngritur dyshime për sigurinë.
"I pyeta nese i kishin te fresketa. Me thane po, dhe ia bleva vajzes. Të nesërmen ajo me bark e të vjella" thote prindi
Të tjerë prindër thonë se prej te enjtes fëmijët kanë shfaqur probleme shëndetësore.
AKU e Shkodrës ka bllokuar Fast Food-in, dhe ka marrë monstra të ujit dhe ushqimeve për analiza. Rezultatet ende nuk kanë dalë, por për mjekët nuk ka dyshime se bëhet fjalë për helmim. Edhe Policia e Prokuroria e Shkodrës nga ana tjetër kanë nisur një hetim për helmimin e nxënësve