Kopshti Botanik, Dekani i FSHN: Do ta mbrojmë në rrugë ligjore. Mazniku: Ja plani i bashkisë

Shqipëria

Kopshti Botanik, Dekani i FSHN: Do ta mbrojmë në rrugë ligjore. Mazniku: Ja plani i bashkisë

Më: 9 tetor 2019 Në ora: 12:41
Ilustrim

Dekani i Fakultetit të Shkencave të Natyrës, Spiro Dushku, ka folur lidhur me situatën e krijuar te Gjykata Administrative e Tiranës, ku studentët dhe pedagogët janë mbledhur në pritje të vendimit për Kopshtin Botanik, nëse do të rrëzohet ose jo vendimi i qeverisë për ta kaluar atë në pronësi të Bashkisë së Tiranës.

Dekani Dushku tha se sapo ka përfunduar seanca e parë dëgjimore, në të cilën kanë munguar përfaqësuesit nga pala e akuzuar, përkatësisht Kryeministria dhe Ministria e Arsimit.

“Sapo ka përfunduar seanca e parë dëgjimore, ku munguan përfaqësuesit kryesor nga pala e akuzuar, që janë ata të Kryeministrisë dhe të Ministrisë së Arsimit. Ne nuk jemi këtu për të treguar se kush ka muskuj më shumë, por ne do ta mbrojmë Kopshtin Botanik. Nuk e konsideroj si luftë, por një shans për studentët, pa cenuar rëndësinë e këtij aseti, si një qendër e kërkimit shkencor. Ne do ta mbrojmë Kopshtin Botanik me rrugë ligjore”, u shpreh Dushku.

Pas kundërshtisë së Universitetit të Tiranës në lidhje me VKM-në e qeverisë për Kopshtin Botanik që i kalon në pronësi Bashkisë së Tiranës, vjen një reagim nga nënkryetari i këtij institucioni Arbian Mazniku.

Në një lidhje telefonike për ‘Neës24’ Mazniku deklaroi se Bashkia do shtojë investimet tek Kopshti Botanik, ku përveç Fakultetit të Shkencave të Natyrës, ai të jetë i hapur edhe për qytetarët.

“Prej shumë kohësh, përmes një bashkëpunimi mes bashkisë së Tiranës dhe universitetit, kemi diskutuar që të kemi një Kopsht Botanik që t’i duhet studenteve, për funksione akademike, por që të shtojmë dhe funksionin që njerëzit ta vizitojnë atë. Sot nuk shkon dot të vizitosh Kopshtin Botanik, pasi është pa funksionin e mundshëm që ta shohin qytetarët. Ekziston mundësia që të ruhet gjithçka, por duke krijuar mundësinë që në orët që fakulteti nuk e ka në përdorim, t’u vihet në dispozicion qytetarëve, kur nuk ka mësim, të shtunën e të diel.

Ai është për kërkime studimore, por duhet të jetë edhe për vizitorët. Shkojnë njerëzit dhe paguajnë një 5 mijë lekësh dhe futen e bëjnë foto. Një objekt që është në zemër të qytetit duhet të ketë një funksion më shumë, që të mos cënohet. Ne jemi të gatshëm për investime të përbashkëta. Ne i kemi dërguar shkesa të vazhdueshme universitetit. Në momentet e para kemi marrë në opinion pozitiv për bashkëpunim. Më pas jo. Shpresoj që mos të jenë për shtytje politike, pasi u vendosën në anën tjetër. Ky projekt shton dobinë për qytetin”, tha ai.

commentFirst article
Sot mund të lexoni Shfletoni kopertinat