Tërmeti i 21 shtatorit, Turqia 350 mijë euro ndihma Shqipërisë - Bota Sot
Tërmeti i 21 shtatorit, Turqia 350 mijë euro ndihma Shqipërisë

Shqipëria

Tërmeti i 21 shtatorit, Turqia 350 mijë euro ndihma Shqipërisë

Më: 10 tetor 2019 Në ora: 09:42
Foto

Pas tërmetit të 21 shtatorit, Turqia i ka ardhur në ndihmë Shqipërisë me bazë materiale të një vlere monetare prej 350 mijë euro. Në prani të ambasadorit Turk në Shqipëri, Murat Ahmet Yoruk, zv.ministrit të Mbrojtjes, Petro Koçi, Drejtorit të Përgjithshëm të Emergjencave Civile, Haki Çako mbërritën në drejtorinë e Rezervave Materiale të shtetit kamionët me ndihma të ardhura nga Turqia.

“Ndihma e popullit turk që është më shumë se sa mik për ne, është shumë e çmuar. Sigurisht bashkë me Turqinë ne i përgjigjemi shumë sfidave globale të sigurisë dhe paqes. Bashkë kemi qenë në Afganistan, në shumë misione ndërkombëtare, jemi bashkë në Detin Egje për të penguar emigracionin e paligjshëm. Por ky moment bashkëpunimi në situatatë emergjence është edhe më zemërprekës”, u shpreh Zv.ministri I Mbrojtjes.

Ambasadori I Turqisë përcolli mesazhet solidarizuese të Presidentit Erdogan për Shqipërinë, duke kujtuar edhe takimin me kryeministrin Edi Rama në Nju Jork.

“Si një shtet që e kemi përjetuar tërmetin dhe nga kjo fatkeqësi kemi pasur edhe humbje njerëzish arrijmë ta kuptojmë mirë gjendjen e vëllezërve tanë shqiptarë. Shpresojmë që kjo ndihma jonë të jetë e rëndësishme në këtë situatë. Ne gjithmonë kemi qëndruar pranë në ditë të vështira dhe do të vazhdojmë të qëndrojmë”, u shpreh ambasadori turk.

Me aktivizimin e mekanizmit të mbrojtjes civile nga Bashkimi Evropian, në pak kohë, Shqipërisë I kanë ardhur ndihma të shumta nga vende të ndryshme evropiane, ndërsa strukturat shtetërore janë angzhuar maksimalisht në rikonstruksionin e banesave të dëmtuara.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...