Lëvizje në policinë e Shtetit.
Gazetari i Ora News Besar Bajraktaraj, informon se shefi i Komisariatit të Policisë Shkodër, Lorenc Meta është emëruar zëvendës drejtor për hetimin e krimit në Drejtorinë Vendore të Policisë Shkodër.
Skënder Hita që ishte zv. Drejtor në policinë e Shkodrë është bërë zv/drejtor në policinë e Gjirokastrës.
Alfred Cenaj ikën nga posti i shefit te komisariati në Mirditë dhe komandohet shef komisariati në Berat.
Naim Lala emërohet shef i komisariatit në Mirditë, ndërsa Ermal Lulaj emërohet shef komisariati në Skrapar.
Lëvizjet e bëra në policinë e shtetit kanë sjellë edhe ndryshimin e krerëve të komisariateve të Fierit e Mallakastrës.
Në këtë kuadër, Kryekomisar Ledio Ibrahimi që mbante detyrën e Shefit të Komisariatit Mallakastër, u emërua Shef Komisariati në Fier, pas largimit rreth dy javë më parë të Henerigert Mitri, i cili u vendos drejtori i policisë së Lezhës.
Ndërkohë, Komisar Alfred Thaci, i cili më parë mbante detyrën e Shefit të Hetimit të Aksidenteve në Komisariatin Rajonal Tiranë është emëruar Shef i Komisariatit Mallakastër.