Ambasadori i Britanisë së Madhe në vendin tonë, Duncan Norman shprehet se vendi i tij do të japë vlerësim pozitiv për çeljen e negociatave për Shqipërinë.
Duke folur nga Kukësi në një aktivitet ku ishte i pranishëm ditën e sotme, ai iu përgjigj interesit të mediave kur tha se Britania do të jetë në anën e Shqipërisë në ditën kur do të diskutohet për çeljen e negociatave.
Ai tha se Britania do të largohet nga BE-ja por shtoi se anëtarësimi i Shqipërisë në familjen Europiane është një gjë e mirë.
“Britania do të largohet nga BE-ja, por deri tani dhe sigurisht që e kemi një votë, pozicioni ynë është sado që Shqipëria ka ende shumë punë për të bërë në luftën kundër krimit të organizuar dhe korrupsionit por ne mendojmë është një gjë e mirë për anëtarësimin. Sigurisht që në këtë moment nuk kemi ndonjë zë të fortë por jemi pro me zë të qetë dhe të ulët”, tha Norman.
