Vijon prej ditës së djeshme aksioni për prishjen e banesave në Shkozë, për t’i hapur rrugë projektit të Unazës së Madhe.
Forca të shumta policie, mbështetur dhe nga Forcat e Ndërhyrjes së Shpejtë, kanë mbërritur në Shkozë, që në orët e para të mëngjesit të kësaj të enjte, dhe kanë rrethuar disa prej banesave që pritet të prishen nga Inspektoriati Kombëtar i Mbrojtjes së Territorit.
Ndërkohë, Partie Demokratike njofton se te vendi i ngjarjes ka ardhur edhe ish-deputeti Aldo Bumçi, që pritet t’iu vijë në ndihmë banorëve.
Të mërkurën u rrafshua vetëm njëra, ndërsa banorët janë të frikësuar për atë që do të ndodhë me shtëpitë e tyre.
Ashtu si një ditë më parë, edhe sot priten përplasje të forta mes banorëve dhe forcave të policisë.