Këtë të martë mbërriti lajmi për shpëtimin e 11 vjeçarit shqiptar Alvin Berisha, i cili ka mundur të largohet nga kampi burg ‘Al Hol’ në Siri.
I riu aktualisht ndodhet në një vend të sigurt dhe sipas asaj që u raportua në median shqiptare, shpëtimi i tij është bërë i mundur nga ‘kryqi i kuq ndërkombëtar’ dhe ‘Gjysmëhëna Siriane’.
Por duket se ende Alvin Berisha s’do të mund të largohet përfundimisht nga Siria, pasi ka një sërë dokumentash për të bërë.
Këtë fakt e pranon vetë Afrim Berisha, babai i të riut. Dhjetëra kanë komentuar në profilin e tij në rrjetin social dhe Afrim Berisha ka shkruar se ende Alvini është plotësisht i lirë. Afrim Berisha sqaron në komente se ka dokumente për t’u bërë dhe se akoma nuk është gjithçka e sigurt.