Për Partinë Demokratike, zgjedhja e dy anëtarëve të reja të Gjykatës Kushtetuese është konsideruar si një puç kushtetues kundër drejtësisë së pavarur.
Sekretari i përgjithshëm i PD, Gazment Bardhi në një deklaratë nga selia blu tha se PD dënon projektin e rilindjes për të kapur Gjykatën Kushtetuese.
"Me porosi të Ramës u vu në jetë një puç kushtetues kundër drejtësisë së pavarur nga politika.
PD mbështet një gjykatë kushtetuese funksionale dhe të pavarur, por kurrsesi kjo që ndodhi sot. PD dënon projektin e Ramës për kapjen e Gjykatës Kushtetuese. Rama përmes KED ka paracaktuar anëtarët e rinj të Gjykatës Kushtetuese", tha Bardhi.