Nis seanca dëgjimore në KLP, Marku: S’mund të kesh rezultate të dukshme nëse mungojnë disa nga hallkat e sistemit

Shqipëria

Nis seanca dëgjimore në KLP, Marku: S’mund të kesh rezultate të dukshme nëse mungojnë disa nga hallkat e sistemit

Më: 13 nëntor 2019 Në ora: 10:34
Arta Marku

Ka nisur pak minuta më parë seanca dëgjimore në Këshillin e Lartë të Prokurorisë, ku do të intervistohen tre kandidatët për kryeprokuror, saktësisht Arta Marku, Fatjona Memçaj dhe Olsian Çela.

Seanca ka nisur me Arta Markun, e cila po bën një prezantim të karrierës së saj.

“Prej 18 dhjetori 2017 mbaj pozicionin e përkohshëm të Prokurorit të Përgjithshëm. Ka qenë një periudhë jo e lehtë pasi i gjithë sistemi po reformohet. Nuk mund të kesh rezultate të dukshme nëse mungojnë disa nga hallkat e sistemit”, ka deklaruar Marku.

Nga ana tjetër, KLP njoftoi në hyrje të seancës se pas prezantimit do të bëjnë pyetje dhe partnerët ndërkombëtarë që kanë ndjekur procesin.

commentFirst article
Sot mund të lexoni Shfletoni kopertinat