27 persona janë ndaluar nga policia të martën kur nisi aksioni i INUK për shembjen e 33 banesave. Prej tyre 26 janë proceduar në gjendje të lirë ndërsa vetëm 1 mbeti në qeli.
Gjykata pas shqyrtimit të dosjeve vendosi të lërë të lirë edhe Shkëlzen Sadikajn. Madje dhe ndalimi i tij është konsideruar paligjshëm.
Sadikaj u ndalua pas rezistencës që banorët i bënë policisë, e cila prej orës 6 të së martës vuri në rrethim dy anët e rrugës.
Aksioni përfundoi brenda 12 orëve ndërsa pritet të vijojë në një fazë të dytë. Në mbështetje të banorëve ish deputeti i PD, Klevis Balliu akuzoi për dhunë.
Klevis Balliu: “Gjatë gjithë kohës qeveria ka gënjyer dhe Bregun e dytë dhe të tretë që ju nuk prekeni. Tani e treguan se preken të gjithë.”
Si pasojë e përplasjeve 13 persona u dëmtuan, nga të cilët 5 ishin efektivë policie.