Presidenti i Republikës Ilir Meta do të zhvillojë një konferencë të jashtëzakonshme për shtyp në orën 14:00 në Presidencë. Lajmi është njoftuar nga zëdhënësi i Presidentit Tedi Blushi përmes një njoftimi në rrjete sociale.
“Presidenti i Republikës Ilir Meta në ora 14:00 në konferencë të jashtëzakonshme për shtyp,”-shkruan Blushi.
Kjo konferencë e Presidentit vjen ndërkohë që parlamenti është në seancë të jashtëzakonshme pas mbledhjes së konferencës së Kryetarëve, e cila përgatiti një projekt-rezolutë në lidhje me situatën e krijuar në Gjykatën Kushtetuese.