Bardhi: Kallëzimi i Presidentit i duhur, Dvorani ka minuar ligjshmërinë

Shqipëria

Bardhi: Kallëzimi i Presidentit i duhur, Dvorani ka minuar ligjshmërinë

Më: 19 nëntor 2019 Në ora: 16:32
Gazment Bardhi

Sekretari i Përgjithshëm i PD, Gazment Bardhi thotë se kallëzimi penal i Presidentit të Republikës ndaj Kryetarit të KED është akti i duhur në mbrojtje të Kushtetutës dhe integritetit të Gjykatës Kushtetuese.

Në një reagim, Bardhi thotë se "me veprimet e tij në shërbim të partisë në pushtet, Ardian Dvorani ka minuar ligjshmërinë dhe besueshmërinë e Gjykatës Kushtetuese".

Bardhi shprehet se Partia Demokratike beson se një hetim i shpejtë, i plotë dhe i pavarur i shkeljeve të ligjit nga Ardian Dvorani, është një gur themeli për rikthimin e besimit tek drejtësia.

"Nga veprimet e prokurorisë do të varet, nëse shqiptarët mund të besojnë akoma se Reforma në Drejtësi nuk u bë që sistemi të kontrollohet nga Edi Rama, por për t’i dhënë fund pandëshkueshmërisë së politikanëve dhe zyrtarëve të korruptuar dhe për të trajtuar shqiptarët si të barabartë para ligjit".

commentFirst article
Sot mund të lexoni Shfletoni kopertinat