Ish-deputeti i Partisë Demokratike, Flamur Noka i ftuar në emisionin “360 Gradë” në RTV Ora u shpreh se kryeministri Edi Rama ka kapur shtetin, ndërsa reforma në drejtësi është Rama-formë.
Noka: Ajo që ndodhi sot për fat të keq është tregues që në këtë vend po funksionon shteti i kapur, ose jemi në shtet të kapur. Një prokuror që gjatë gjithë periudhës nuk ka pasur asnjë problematikë kishte kaluar vettingun në shkallën e parë, në mënyrë unanime dhe pas asnjë lloj kontestimi. Një punonjës politik të themi e kishte ankimuar. Në momentin që presidenti e dekreton anëtarë të Gjykatës Kushtetuese angazhohet detashmenti politik për ta shkarkuar, sulmuar dhe deniguar. Një prokuror i cili ka pasur integritetin e lartë moral të çojë pas hekurave një nga bandat më të rrezikshme të këtij vendi. Kemi të bëjmë me një shtet të kapur. Çdo sektor është i kapur vetëm nga Edi Rama.
