Kryeministri shqiptar Edi Rama, ministri i Brendshëm, Sandër Lleshaj dhe drejtori i Policisë së Shtetit, Ardi Veliu kanë shkuar në Durrës.
Po ashtu 300 forca të ushtrisë janë dislokuar në Durrës dhe Thumanë, aty ku dëmet janë më të mëdha.
Po zhvillohet operacioni i shpëtimit, aty ku një pallat është shembur.
Po ashtu, për shkak të dëmve të pësuara rrezikojnë edhe disa pallate të tjera.
Ushtria shqiptare ka marrë situatën në kontroll, sidomos në Thumanë, ku është vendosur edhe perimetri i sigurisë.