“Tërmet, mos lëvizni”, panik në studion e Blendi Fevziut teksa transmetohej emisioni live - Bota Sot
“Tërmet, mos lëvizni”, panik në studion e Blendi Fevziut teksa transmetohej emisioni live

Shqipëria

“Tërmet, mos lëvizni”, panik në studion e Blendi Fevziut teksa transmetohej emisioni live

Më: 28 nëntor 2019 Në ora: 00:22
Blendi Fevziu

Toka vijon të dridhet në Durrës. Të tjera lëkundje të fuqishme janë ndjerë vetëm pak minuta më parë në qytetin bregdetar.

Sipas Qendrës Sizmologjike Europiane-Mesdhetare (EMSC), tërmeti ka qenë me magnitudë 4.4 dhe thellësi 2 km.

Epiqendra e tërmetit ka qenë në Detin Adriatik, 29 km në veri të qytetit të Durrësi dhe 47 km të veri-perëndim të Tiranës. Lëkundjet janë ndjerë në orën 23:19.

Teksa inxhinieri Agim Serjani po shpjegonte në studion e emisionit Opinion dëmtimet që kishin pësuar godinat nga tërmeti dhe ato që rrezikonin të shembeshin toka u drodh sërish.

Drejtuesi i emisionit ruajti qetësinë, ndërsa u mundua të qetësonte dhe të ftuarit e tjerë në studio.

“Po bie tërmet? Mos u trembni, mos lëvizni. Rrini qetë, nuk ka gjë. Vazhdo profesor… Mos kini frikë… Nëse keni frikë dilni se vazhdojmë ne”, tha Blendi Fevziu.

Shfaq komentet
comments powered by Disqus
Sot mund të lexoni Shfletoni kopertinat