Kryekomisari Bajram Hadarmetaj i cili ndodhej në zonën e Kavalishencës në Durrës, u gjet i pajetë nën rrënojat e godinës nga ekipet e kërkim-shpëtimit. Hajdarmetaj ndodhej në Kavalishencën e Ministrisë së Brendshme në Durrës, ku kishte filluar edhe kursi bazë i policisë dhe viktima ishte një prej lektorëve.
Kryekomisar Hajdarmetaj, që prej javës së kaluar kishte filluar trajnimin e të rinjve në radhët e Policisë.
Djali i kryekomisarit që humbi jetën në rrënojat e tërmetit ditën e martë ka bërë një dedikim prekës për të atin në rrjetin e tij social Facebook.
Fjalët e tij janë të dhimbshme, pasi kishte kohë që nuk e shihte sepse jetonte në Suedi. Ai e kujton me mall babain e tij dhe nuk i besohet që ai nuk është mes tyre.
“Erdhëm bab o nga gurbeti
Për të pa o me sy
Ah të mjerët çfarë na gjeti
Kishe mbyllur ata sy
M’dogji malli fëmirisë
Kisha kohë që s’të kisha pa
Thash të gjej te pragu i shpisë
Por të gjeta gati për varr
Babi im o babi im
S’e besoj që s’je më ti
Ti po flen o bab o në hije
Dhe do zgjohesh përsëri
U prehsh në paqe o bab, o Luani im, Trimi im”.