Drejtori i Institutit të Ndërtimit Agron Hysenlliu dhe ministrja e Shëndetësisë dhe Mbrojtjes Sociale e Shqipërisë Ogerta Manastirliu konfirmuan sot se Spitali i Durrësit nuk ka dëmtime në strukturë si pasojë e tërmetit të 26 nëntorit.
“Ne bëmë një akt ekspertimi ku mbi 15 inxhinierë panë spitalin. Struktura nuk ka pësuar dëme”, tha Hysenlliu.
Edhe ministrja Manastirliu garantoi funksionimin e spitalit teksa tha se dëmet janë të rikuperueshme dhe se hyrja e spitalit do të zhvendoset përkohësisht.
