Me anë të një video-mesazhi nga Durrësi, ministrja e Arsimit, Besa Shahini ka falenderuar të gjithë mësuesit e angazhuar gjatë kësaj jave në lidhje me përgatitjen e shkollave për të pritur nxënësit në Lezhë, Durrës dhe Tiranë, pas tërmetit të 26 nëntorit.
“Sot jemi në Durrës duke u munduar të zhvendosim edhe nxënësit nga shkolla që nuk do të hapen, tek shkollat pritëse”, u shpreh ministrja.
Ajo shtoi se me gjithë kontributin e mësuesve dhe me punën që kanë bërë drejtorët e shkollave dhe me përpjekjet shkollat do të rinisin të hënën.
“Ne do të jemi plotësisht gati që më 9 dhjetor t’i kthehemi sado pak normalitetit dhe të mirëpresim nxënësit në bankat shkollore. Faleminderit edhe një herë, dhe ju mirëpres të hënën”, deklaroi Shahini.
