Shehi: Të vetmet që s'u ka rënë tërmeti janë PPP, fatura e tyre më e madhe për 2020

Shqipëria

Shehi: Të vetmet që s'u ka rënë tërmeti janë PPP, fatura e tyre më e madhe për 2020

Më: 13 dhjetor 2019 Në ora: 21:38
Dashamir Shehi

Pavarësisht fatkeqësisë natyrore nga tërmeti, Dashamir Shehi akuzon kryeministrin se nuk e ka ndaluar axhendën e vet të korrupsionit, akaparimin e shtetit dhe "përdhunimin" e institucioneve.

Sipas tij, atë që Rama e konsideron sakricë për këtë situatë, po e ndërmerr në kurriz të qytetarëve.

Shehi: Do paguajmë rrogat, pensionet është normale. Por pasi po u kërkon sakrificë institucioneve dhe është normale, e vetmja që nuk ndryshon dhe su ka rënë tërmeti janë PPP. Faturat e PPP-ve për vitin që vjen do të jetë më e madhe se e tërmetit. Pse nuk merr përsipër që një pjesë e PPP-ve, nuk e zgjidhin këtë punë këto, por ka prej atyre që janë haptazi vjedhje, ka prej atyre që mund të rinegociohen pagesat, ka prej atyre që mund të hiqen fare. Nuk ka ndërprerë asnjë nga vjedhjet që shkojnë te grushti i tij dhe i kërkon sakrifica maksimale financiare punëtorit të thjeshtë, mësuesit që ka 6 vjet nuk i rritet rroga. Në emër të kësaj që i ra Shqipërisë do të bllokojë çdo gjë tjetër.

Sot mund të lexoni Shfletoni kopertinat