Tërmeti i 26 nëntorit nxori në pah rrezikun që sjellin depozitat e ujit mbi tarracat e pallateve ku rrëzimi i tyre vuri në rrezik familje të tëra. Shumë kanë filluar që ti heqin.
Në kryeqytet edhe pse Kryebashkiaku ka premtuar se do të ketë 24 orë ujë në rubinetat e familjeve, madje edhe u rrit taksa për këtë qëllim, banorët ende vuajnë.
Pas tërmetit të 26 nëntorit edhe në qendër të Tiranës, familjet kanë nisur të kërkojnë mjete të tjera.
Në zonën e ish-Bllokut në kryeqytet, shumë pranë shkollës "Emin Duraku", dy punonjës janë shoqëruar nga policia, pikërisht sepse po punonin për hapjen e një pusi.
Heqja e depozitave nga katet e sipërme nuk e ka prekur çmimin e tyre.
Pak ditë më parë RTV Ora ngriti shqetësimin për rrezikun që mbartnin depozitat në katet e sipërme.
Sipas ekspertëve tarracat mund të mbajnë deri në 75 kg për metër katror.
Por rëndom shihet se në një hapësirë të vogël, qëndrojnë disa depozita deri në 1 mijë litërshe që kërcënojnë çdo ditë banorët në Tiranë.
