Disa kohë më parë Jorgo Papingji do të përlotej në një studio televizive teksa fliste për faktin se prej 8 vitesh nuk e kishte marrë pensionin që i takon si “Mjeshtër i madh”.
Por duket se qeveria është “kujtuar” mbi këtë çështje dhe ka akorduar përmes një VKM-je dhënien e pensionit të veçantë për autorin e qindra teksteve muzikore dhe jo vetëm.
“Nuk e kam kuptuar asnjëherë, kam tetë vite që kam marrë titullin “Mjeshtër i Madh” dhe gjatë këtyre tetë viteve nuk ka dal ende vendimi që unë të marr pensionin e veçantë. Unë nuk e di dhe nuk besoj që jepet pas vdekjes. Në një moshë që jam unë do ta kisha marrë atë pensionin”, shprehej në disa muaj më parë Papingji.
