Kryeministri Edi Rama pasi priti në një vizitë zyrtare në Kryeministri komisionerin për Zgjerim të BE-së, Olivér Várhelyi, të dy së bashku kanë vizituar sot disa lagje të prekura nga tërmeti në Durrës.
Ndërsa po i tregonte Várhelyit pasojat e tërmetit, kreu i qeverisë u përball me një qytetar. Ky i fundit i kërkoi të flisnin për t’i treguar se çfarë do bëhet me fatin e tyre pasi kanë mbi një muaj që po presin.
Ndërsa kryeministri ju përgjigj se rindërtimi dhe rikonstruksioni i banesave nuk mund të kryehet për një periudhë të tillë kohore.
“Po fillojmë planin për të ndërtuar në Durrës 1 ose 2 lagje. Kishte godina që i rezistuan shumë mirë tërmetit, duke marrë parasysh parametrat”, tha Rama.
Biseda me banorët
Zoti kryeministër, mund të flasim të lutem
Rama: Mirë?! ( Përshëndet banorët me dorë) Ça halli ke?
Banori: Ke një muaj e ca që ishte këtu dhe nuk e dimë se ça do bëhet. Kemi një muaj e gjysmë që presim.
Rama: Po pse ku ke parë ti që të bëhet gjithë kjo në një muaj e gjysmë?! (Tregon me shenjë nga pallatet e dëmtuara)
Banori: Po kemi parë
Rama: Po ke parë po.