Zhdukja e kapitenit turk në brigjet e Shëngjinit, prokuroria i rikthen jahtin pronarit - Bota Sot
Zhdukja e kapitenit turk në brigjet e Shëngjinit, prokuroria i rikthen jahtin pronarit

Shqipëria

Zhdukja e kapitenit turk në brigjet e Shëngjinit, prokuroria i rikthen jahtin pronarit

Më: 17 janar 2020 Në ora: 10:37
Ilustrim

Prokuroria shqiptare i kthen pronarit jahtin e mbetur në ujërat shqiptare pas zhdukjes së kapiteni turk Sezgin Yavuz në fund të verës në brigjet e Shëngjinit.

Media raporton se jahti iu rikthye pronarit në dhjetor 2019 pas disa kërkesave të biznesmenit turk.

Jahti me emrin “Atik Bey” u gjet i braktisur në fillim të shtatorit në ujërat ndërkombëtare në detin Adriatik, 12 milje larg bregdetit të Shëngjinit, ndërsa gjatë kontrollit policor u gjetën dokumentet e kapitenit 31-vjeçar Sezgin Yavuz.

Me gjithë disa muaj hetime nuk ka asnjë rezultat për gjetjen e kapitenit Yavuz. Prokuroria ka dërguar disa letër porosi në disa shtete për çështjen e zhdukjes së 31-vjeçarit.

Një javë para se të zhdukej, Yavuz çoi në Shqipëri pronarin e jahtit, Nedim Akyüz, ndërsa më pas u nis për në Greqi.

Jahti u gjet në gjendje aktive nga ana e peshkatarëve, ndërsa më pas filloi hetimi pas mungesës së kapitenit, për të cilin policia fillimisht dyshoi se ishte pronari i mjetit lundrues.

Shfaq komentet
comments powered by Disqus
Sot mund të lexoni Shfletoni kopertinat