Shefat e policisë i ankohen Veliut për urdhrin e heqjes së telefonave: Radiot nuk kanë valë - Bota Sot
Shefat e policisë i ankohen Veliut për urdhrin e heqjes së telefonave: Radiot nuk kanë valë

Shqipëria

Shefat e policisë i ankohen Veliut për urdhrin e heqjes së telefonave: Radiot nuk kanë valë

Më: 25 janar 2020 Në ora: 10:05
Ardi Veliu

Urdhri i drejtorit të Policisë së Shtetit Ardi Veliu për të hequr telefonat gjatë shërbimit për të shmangur dekonspirimin e operacionit është debatuar dje në mbledhjen me dyer të mbyllura në qytetin e Shkodrës.

Policia vendore e Shkodrës zhvilloi analizën një vjeçare të vitit 2019. Në këtë mbledhje mori pjesë edhe drejtori i përgjithshëm i policisë së shtetit Ardi Veliu dhe zëvendës drejtori Gjovalin Loka.

Drejtori Veliu ka kërkuar që lufta të jetë edhe më e fortë për të zeruar kultivimin e kanabisit kryesisht në zonat malore.

Kreu I policisë ka kërkuar eleminimin total të fenomemit të kultivimit të bimëve narkotike, pasi edhe pse ka një rënie, Shkodra vazhdon që të jetë një pikë e kuqe në hartën e rajoneve problematike sa i përket kultivimit të drogës.

Por disa shefa policie i kanë shprehur shqetësimin për ndalimin e përdorimit të telefonëve duke thënë se në disa zona të largëta si Vau Dejësi por edhe të tjera radiot nuk kanë valë.

Drejtori Veliu ishte i prerë në këtë diskutim duke thënë që në mënyrë absolute askush nuk duhet që ta përdor telefonin por vetëm radion e policisë për çështje pune dhe raportime të ndryshme policore.

Shfaq komentet
comments powered by Disqus
Sot mund të lexoni Shfletoni kopertinat