PD flet me fakte dhe akuzon kryeministrin Rama: Detyron mësuesit të bëjnë propagandë - Bota Sot
PD flet me fakte dhe akuzon kryeministrin Rama: Detyron mësuesit të bëjnë propagandë

Shqipëria

PD flet me fakte dhe akuzon kryeministrin Rama: Detyron mësuesit të bëjnë propagandë

Më: 25 janar 2020 Në ora: 15:02
Edi Rama

Kreshnik Çollaku, këshilltari i Partisë Demokratike ka akuzuar Kryeministrin Edi Rama që urdhëron mësuesit e shkollave urdhërohen të bëjnë propagandë.

Me anë të një shkrimi në Facebook, ai tregon se mësuesit janë detyruar të shpërndajnë në rrjete sociale aktivitetin e kryeministrit. Për këtë i referohet inaugurimit të shkollës së Surelit, ku pranë Ramës ishte kryebashkiaku Veliaj dhe deputeti i zonës.

"Sot përmes Drejtorit të ZVAT (zyra vendore arsimore tirane), janë urdhëruar të gjithë Drejtorët e Shkollave në Tiranë, të detyrojnë të gjithë mësuesit e Tiranës të shpërndajnë në rrjete sociale aktivitetin e ditës së Kryeministrit", shkroi Çollaku.

Këtë e cilësoi si një propagandë të neveritshme që vërteton se në Shqipëri është instaluar regjimi. Madje theksoi se këto sjellje janë të denja vetëm për Korenë e Veriut.

"Kjo propogandë e neveritshme që qelb erë nga epoka e Lenka Cukos është provë e degradimit të plotë të sistemit arsimor, dhunimi flagrant i shtresës më të vyer të shoqërisë mësuesit, është një provë se në Shqipëri është instaluar Rregjimi. Sjellje të tilla janë të denja vetëm për Kore të Veriut", përfundoi Çollaku.

Shfaq komentet
comments powered by Disqus
Sot mund të lexoni Shfletoni kopertinat