Kryeministri Edi Rama, ka inspektuar punimet në një familje në Sauk, në shtëpinë e Naim Myftarit, që u ndërtuar nga një biznesmen. Rama ditën e sotme në vizitën e tij ka shkëmbyer edhe batuta me pronarin e shtëpisë, por nuk ka lënë pa ironizuar edhe kreun e Partisë Demokratike, Lulzim Basha.
Familjarët i kanë thënë kryeministrit se kur Lulzim Basha ishte kryetar bashkie iu hoqi nga puna kryefamiljarin. Rama është shprehur ” se nuk ka bërë Luli këtë, se kanë qenë në gjumë”.
Biseda:
Rama: Jenë në shkollë ti?
Djali: Po në shkollë.
Gruaja: Punonte i shkreti kamarier, shkonte edhe në punë pasdite.
Rama: Shumë mirë të punojë,
Veliaj: I thashë tani që mbaruam këtu, të vijë të punojë të bëjmë shtëpitë e të tjerve.
Gruaja: Jo mo fëmijët janë dembela.
Rama: Me këtë rindërtim do hapen vende pune pa fund. Dua vend pune, po e duan në shtet, se duan rrogën pa punë.
Burri: Këtë na e hoqi luli nga puna.
Rama: Po s’e ka hequr Luli i shkretë, se ka pasur mendjen, se ka qenë në gjumë.
“Punojmë e nxjerrim bukën por për shtëpi nuk e qitshim dot”, tha gruaja.
“Del PD dhe thotë të mbrojmë…”, tha në një moment Veliaj.
Rama: Ç’e paske këtë PD sot? Lëre tani.
Kryeministri kishte sjellë edhe dy dhurata për më të vegjëlit e shtëpisë: “Këto i keni porosi nga Zaho, po mos i hap”.
“E pac këmbën e mbarë”, i tha kryefamiljari.
Rama: Tani se di, unë të gjatë e kam se di a e kam të mbarë, unë me zemër kam ardhur.
