E mbështjellë me flamurin kuq e zi dhe me yllin 5 cepësh, simboli i Partisë Komuniste është përcjellë për në banesë e fundit, ish - gruaje e diktatorit, Nexhmija Hoxha.
E veja e diktatorit shqiptar do të prehet pranë varrit të Enver Hoxhës në Sharrë.
Ceremonia mortore nga familja është mbajtur mesditën e kësaj të enjte, ku kanë qenë të pranishëm të afërm të familjes dhe miq.
E veja e diktatorit është përcjellë nga një numër i vogël personash, ndërsa u vu re mungesa e djalit të vogël, Sokolit.
Djali i madh Iliri dhe gruaja e tij Teuta , si dhe nipi Ermali me bashkëshorten Rezarta Shkurtën kanë bërë përshëndetjen për miqtë që morën pjesë në ceremoni.
Nexhmije Hoxha u nda nga jeta në moshën 99-vjeçare këtë të mërkurë për shkaqe natyrale.
