Pas megaoperacionit të zhvilluar të premten në orët e para të mëngjesit, ku u arrestuan dhjetëra persona për trafik droge, mes tyre dhe gazetari dhe botuesi Henri Çili i akuzuar për korrupsion, reagoi ministri Sandër Lleshaj. Kreu i ministrisë së Brendshme e cilëson këtë një jetër provë të rëndëishme të seriozitetit që dhanë Policia dhe Prokuroria.
Lleshaj: Policia dhe Prokuroria dhanë sot një tjetër provë të rëndësishme të seriozitetit në luftën e përbashkët kundër krimit të organizuar. Reforma në Drejtësi po sjell përditë rezultate. Droga dhe krimi nuk mund të kenë vend tek ne. Përgëzime për punën e Policisë dhe Prokurorisë.
Në megaoperacionin e Policisë së Shtetit, pas hetimeve të Prokurorisë, u vunë në pranga mbi 30 persona, ndërsa disa të tjerë janë shpallur në kërkim. Mes të ndaluarëve është dhe gazetari, botuesi dhe pronari i një universiteti privat, Henri Çili, i cili dyshohet se ka ndërhyrë në një proces gjyqësor për lehtësimin e masës së arrestit ndaj shtetasit Arbion Aliko.
