Policia ka reaguar në lidhje me aksidentin e ndodhur në aksin rrugor Librazhd- Elbasan, ku për pasojë janë plagosur 5 persona.
Sipas policisë, N. K., 32 vjeç banues në Tiranë është përplasur me makinën me drejtues Xh.H., rreth 60 vjeç, banues në Shkup, Maqedonia e Veriut.
Si pasojë janë plagosur drejtuesi i makinës Xh.H dhe katër pasagjerë të cilët janë dërguar për mjekim në spitalin e qytetit Librazhd dhe janë jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkakut të aksidentit.