Covid-19/ Rrugët bosh, patrulla policie gjatë gjithë natës në Tiranë e Kamëz

Shqipëria

Covid-19/ Rrugët bosh, patrulla policie gjatë gjithë natës në Tiranë e Kamëz

Më: 22 mars 2020 Në ora: 10:21
Rrugët bosh

Masat e reja, të ndërmarra në vijim të përforcimeve për frenimin e mëtejshëm të Covid-19 në Shqipëri kanë sjellë boshatisje totale të rrugëve.

Për t’u siguruar se urdhri i ri po zbatohet, veçanërisht në akset kryesore nuk ka munguar patrullimi i policisë. Në një postim të mesnatës, në faqen zyrtare të Policisë së Shtetit në Facebook, do mund të shihni pamje nga rrugët e Tiranës dhe Kamzës.

“Në të gjitha rrugët e Tiranës e Kamzës.

Punonjësit e Policisë së Shtetit në patrullim për parandalimin dhe goditjen e paligjshmërisë , si dhe për monitorimin dhe kontrollin e zbatimit të masave kufizuese.

Pika kontrolli nga shërbimet e Policisë së Shtetit në bashkëpunim me forcat e ushtrisë, për zbatimin e masave kufizuese për parandalimin e përhapjes së COVID-19

Respektoni rregullat e kufizimit të qarkullimit me automjete, biçikleta e motomjete .

Respektoni kufizimin e lëvizjes në këmbë, qëndroni në banesë deri të hënën në mëngjes, por edhe më mbrapa respektoni , respektoni , respektoni oraret kufizuese dhe zbatoni këshillat për higjenën.

Ruani largësinë në makete, minimarkete e furra buke, por edhe në rrugë.

Të mbrojmë njëri -tjetrin, të mbrojmë jetën.

Durim e kontribut nga gjithsecili dhe do ja dalim

#respektemirenjohjepernjerezitepunesdhesakrifices”, shkruhet në postim.

Sot mund të lexoni Shfletoni kopertinat